तिप्लिङ न्यूज
मिति २०८० भदौं २३, काठमाण्डौ,
नेपाल तामाङ कलाकार सङ्घको अध्यक्षमा विशाल काल्तान चुनिएका छन् ।
शनिवार सङ्घको १६ औँ वार्षिक साधारण सभा तथा आठौँ अधिवेशनबाट अध्यक्ष काल्तानसहित २१ सदस्यीय नयाँ कार्यसमितिचुनिएका हुन् ।
सङ्घको वरिष्ठ उपाध्यक्षमा रोशन फ्युबा‚ उपाध्यक्षमा सुवास मोक्तान‚ महासचिवमा खेम मोक्तान‚ सचिवमा निर्मला घिसिङ रकोषाध्यक्षमा योगेश लामा सर्वसम्मत चयन भएका हुन् । 
यस्तै सदस्यहरू बुद्ध लामा‚ रेश्मा बमजन‚ जितु लोप्चन‚ आस्मान लोप्चन‚ जीवन बोम्जन‚ लक्ष्मी स्याङ्तान‚ अन्जु थोकर‚ मीन योन्जन‚ बसन्ती लामा‚ अनिता गोले‚ सुमिना लो‚ प्रदीप लामा ,मिलन थिङ पराङ, र स्मारिका थिङ तामाङ चयन भएका छन् ।
तामाङ कलाकारहरूको एकता, व्यावसायिकता बनाउने र समग्र तामाङ कलाकारहरूको हकहितको निमित्त २०६२ सालमा दर्ता तामाङकलकारहरूको अभिन्न अङ्गको रूपमा स्थापित छन् । सङ्घ गठनको मुख्य उद्देश्य तामाङ कलकारलाई व्यवसायीका बनाउने, प्रकाशनमा आएका तामाङ गीतसङ्गीतको सङ्कलन तथा अभिलेखीकरण गर्ने र तामाङ सांस्कृतिक सङ्ग्रहालय निर्माण गर्ने रहेका छन्। यसैअनुरूप गृहकार्य भइरहेका छन् ।
तामाङ गीतसङ्गीतको प्रवर्द्धन, संस्कार संस्कृतिको जगेर्नासँगै समुदायमा आपतविपतको बेला समेत सहयोगी संस्थाको रूपमा खडाभएको छ ।
संस्थामा करिब ४ सयको हराहरीमा सदस्यहरू आबद्ध छन् ।
भिडियो पनि हेर्नुस
